Dur kahin chalte-chalte
Dard kahin palte-palte
Kitna apna ho hata hai
Sath koi chalte-chalte
Dur kahinn chalte-chalte.......

Suraj na hota jo nabh mein
Kaise jeeta phir suryamukhi
Na dekh priyavar ko apne
Kya hota na masoom dukhi
Kaise suraj ugg aata hai
Roz yahan jalte-jalte
Dur kahin chalte-chalte......

Jo preet hamare mann mein hai
Wo preet amar ho jati hai
Do antarman mil jate hain
Reh jate sab aankhein malte
Dur kahin chalte-chalte.......

Kya madhuban hansta hai hardum
Yaa roti iski bhi kaliyan
Hota aksar aisa bhi hai
Phool gire khilte-khilte
Dur kahin chalte-chalte.........

Panghat se marghat ki doori
Karni padti hai tay sabko
Koi chalta khushi-khushi
Koi chalta girte-padte
Dur kahin chalte-chalte.................